قصتي مع الهم اني صائم

[b][size=18][size=12]لما شفت زميلي (اللبناني) معي بالشغل وتعرفت عليه لما بلش يداوم معانا ماكنت عرفان انو يوم من الايام راح يكون جاري لاني ماهضمتو وعلى ئولتهم جار السعد يابعدي، المهم بلا طولة سيرة اتعرفنا ومشي الحال وبعد اشهر ئليلة اتفاجأت بصاحبنا انو صار جاري قبل يومين من بداية رمضان، المهم ماعلينا كل واحد ولحالو مالو بالتاني، قبل يوم من رمضان ئالي ينعاد عليك جار( مع انو لسه مابلش رمضان بس شكلو كان مستعجل انو يخلص)، ئلت لحالي اللهم اني صائم لاني كنت عم جهز حالي لاول يوم صيام.
اليوم الاول من رمضان لما كنت طالع للشغل شفتو بخلئتي وعم ياخد قبلة الوداع من مرتو وكانو البيت ماسايعهم حتى يوئفو على عتبة البيت يكملو الرومانسية، ئلت لحالي اللهم اني صائم وهو لما شافني ئال صباح الخير حبيب ئلبي....
بالشغل اتعرضت كتير لمواقف مع صاحبنا وكل مرة ئول اللهم اني صائم...
مرة اطلعت للشغل متأخر ويادوب الحئ مشان الزحمة ولا بلائي صاحبنا مسكر علي بالسيارة ومابحسن اتحرك، اتصلت فيه مشان يحركها ومايتأخر هو كمان، ئال بكل برادة انا اجازة اليوم شبيك يائلبي روئ شبنا، وكانو ما في حدا عندو دوام ئلت لحالي اللهم اني صائم.....
يوم من الايام صار وركب معي بالسيارة مشان وصلو لانو سيارتو بالتصليح، لما ركب صار حكيو كلو مو مهضوم ومانو صحيح وكلو حكي على العالم و و و وكلو بدون حياء بس ئلت لحالي اللهم اني صائم....
تمر الايام والايام ورمضان عم يمر وكل يوم في فصل مع الاستاز غير شكل
يوم افئت معي بموقف من المواقف وماعاد فيني اصبر وئلتلو يلعما بئلبك انت مابتستحي والدنيا رمضان ...

اطلع فيني هيك بزورة وكلو انزعاج من عصبيتي
وئال

اللهم اني صائم.....





اخوكم راموووووووووووو